ब्रह्ममुरारिसुरार्चितलिंगं निर्मलभासित शोभितलिंगम्।
जन्मजदु:खविनाशकलिंगं तत्प्रणमामि सदाशिवलिंगम्।।1।।
देवमुनिप्रवरार्चितलिंगं कामदहं करुणाकरलिंगम्।
रावणदर्पविनाशन लिंगं तत्प्रणमामि सदाशिवलिंगम् ।।2।।
सर्वसुगंधिसुलेपित लिंगं बुद्धि विवर्धनकारणलिंगम् ।
सिद्धसुरासुरवंदितलिंगं तत्प्रणमामि सदाशिव लिंगम्।।3।।
![](https://i0.wp.com/atomic-temporary-179398631.wpcomstaging.com/wp-content/uploads/2022/02/4312f-gyansanjeevaniling.jpg?resize=502%2C245&ssl=1)
कनकमहामणिभूषितलिंगं फणिपति वेष्टित शोभितलिंगम् ।
दक्षसुयज्ञविनाशकलिंगं तत्प्रणमामि सदाशिव लिंगम् ।।4।।
कुंकुमचन्दनलेपितलिंगंं पंकजहारसुशोभितलिंगम् ।
संचितपापविनाशनलिंगं तत्प्रणमामि सदा शिवलिंगम् ।।5।।
देवगणार्चितसेवितलिंगं भावैर्भक्तिभिरेव च लिंगम् ।
दिनकरकोटिप्रभाकर लिंगं तत्प्रणमामि सदाशिवलिंगम् ।।6।।
अष्टदलोपरिवेष्टितलिंगं सर्वसमुद्भवकारणलिंगम्।
अष्टदरिद्र विनाशितलिंगं तत्प्रणमामि सदाशिवलिंगम् ।।7।।
सुरगुरुसुरवरपूजितलिंगं सुरवनपुष्प सदार्चितलिंगम् ।
परात्परंपरमात्मकलिंगं तत्प्रणमामि सदाशिवलिंगम् ।।8।।
लिंगाष्टकमिदं पुण्यं य: पठेच्छिवसन्निधौ ।
शिवलोकमवाप्नोति शिवेन सह मोदते ।।9।।